შუახევის მუნიციპალიტეტში ინტენსიურად მიმდინარეობს თოვლის საფარისგან საავტომობილო გზების გაწმენდითი სამუშაოები. სამუშაოებს აჭარის საავტომობილო გზების დეპარტამენტისა და მუნიციპალიტეტის სპეციალური ტექნიკა ახორციელებს.
ამ დროისათვის, მუნიციპალიტეტში ადმინისტრაციულ ცენტრებთან დამაკავშირებელი ყველა გზა გაწმენდილია. გრძელდება შიდა სასოფლო გზების გაწმენდითი სამუშაოები.
სოფელ ახალდაბაში, საავტომობილო გზების გაწმენდითი სამუშაოები შუახევის მუნიციპალიტეტის მერმა ომარ ტაკიძემ, აჭარის საავტომობილო გზების დეპარტამენტის შუახევის განყოფილების უფროსთან რომან დუმბაძესთან ერთად დაათვალიერა.
