შუახევის მუნიციპალიტეტის მერმა, ომარ ტაკიძემ მერიის სამსახურის უფროსებთან და ადმინისტრაციული ერთეულების წარმომადგენლებთან სამუშაო შეხვედრა გამართა.
შეხვედრაზე დღის წესრიგით გათვალისწინებული მნიშვნელოვანი საკითხები განიხილეს, მათ შორის მოისმინეს ინფორმაციები სოფლებში არსებულ ვითარებაზე.
იმსჯელეს მუნიციპალიტეტში მიმდინარე და დაგეგმილ ინფრასტრუქტურულ პროექტებზე, მიმდინარე წლის პრიორიტეტულ მიმართულებებსა და ღონისძიებებზე. ყურადღება გამახვილდა პროექტების დროულ და ხარისხიან შესრულებაზე, ასევე მოსახლეობასთან აქტიურ კომუნიკაციასა და მათი საჭიროებების ოპერატიულად მოგვარებაზე.
ომარ ტაკიძემ ყურადღება გაამახვილა სამსახურების კოორდინირებულ მუშაობასა და თითოეულ ადმინისტრაციულ ერთეულში არსებული გამოწვევების მუდმივ მონიტორინგზე.
თათბირის ფარგლებში განისაზღვრა სამომავლო სამუშაო მიმართულებები და პასუხისმგებელ პირებს შესაბამისი დავალებები მიეცათ.
სამუშაო შეხვედრას მერის მოადგილეები მირიან აბაშიძე და გიორგი კეკელიძე ესწრებოდნენ.
