შუახევის მუნიციპალიტეტის მერი ომარ ტაკიძე, ჭვანის მეჩეთში ყურბან-ბაირამის ლოცვას დაესწრო და მორწმუნეებს საღვთო დღესასწაული მიულოცა.
„ვულოცავ ყურბან-ბაირამის დღესასწაულს მუსლიმ მრევლს. ეს არის სიკეთის, მიტევებისა და თანადგომის დღესასწაული. მინდა გისურვოთ მშვიდობა, რწმენის სიმტკიცე და კეთილდღეობა,"- აღნიშნა ომარ ტაკიძემ.
ყურბან-ბაირამი მუსლიმანური სამყაროს უდიდესი დღესასწაულია, მოძრავია და მარხვის დასრულებიდან 70-ე დღეს აღინიშნება.
მერთან ერთად, მორწმუნეებს დღესასწაული მიულოცეს შუახევის საკრებულოს თავმჯდომარე იაგო დავითაძემ და აჭარის უმაღლესი საბჭოს წევრმა ფრიდონ ფუტკარაძემ.
