შუახევის მასწავლებელთა და სკოლის ადმინისტრაციის წევრების VIII მუნიციპალური კონფერენცია სახელწოდებით -,,სკოლის მართვის საუკეთესო პრაქტიკა და სწავლების თანამედროვე მიდგომები" გაიმართა.
კონფერენციის მიზანს წარმოადგენდა პედაგოგიური გამოცდილების გაზიარება და ინოვაციური მეთოდების დანერგვა სასწავლო პრაქტიკაში, მასწავლებელთა პროფესიული და პედაგოგიურ - პრაქტიკული კვლევის უნარ-ჩვევების განვითარება, პედაგოგთა მოტივაციის ამაღლების ხელშეწყობა.
კონფერენციაში მონაწილეობდა 52 პედაგოგი, რომლებმაც სხვადასხვა საგნობრივ მიმართულებაში საკუთარი მოხსენებები წარადგინეს. მონაწილე მასწავლებლებს შესაბამისი სერტიფიკატები გადაეცემათ.
ღონისძიებას, შუახევის მერი ომარ ტაკიძე, აჭარის განათლებისა და სპორტის მინისტრი მაია ხაჯიშვილი, საკრებულოს თავმჯდომარე იაგო დავითაძე, რესურსცენტრის ხელმძღვანელი ედუარდ გოგრაჭაძე, აჭარის განათლების ფონდის/ბათუმის მასწავლებლის სახლის, პროფესიული კავშირის შუახევის რაიონული ორგანიზაციის წარმომადგენლები, რესურსცენტრის თანამშრომლები, საჯარო და კერძო სკოლის პედაგოგები ესწრებოდნენ.
კონფერენცია ჩატარდა რესურსცენტრის ორგანიზებით, შუახევის მერიისა და პროფესიული კავშირის შუახევის რაიონული ორგანიზაციის დაფინანსებით.
მხარდამჭერები იყვნენ აჭარის განათლებისა და სპორტის სამინისტრო და აჭარის განათლების ფონდი/ბათუმის მასწავლებლის სახლი.
