შუახევის მუნიციპალიტეტის მერმა ომარ ტაკიძემ, აჭარის უმაღლესი საბჭოს წევრ ფრიდონ ფუტკარაძესთან ერთად, დღვანის ადმინისტრაციული ერთეულის სოფლებში მიმდინარე ინფრასტრუქტურული პროექტები დაათვალიერა, სამუშაოების მიმდინარეობას გაეცნო და ადგილობრივ მოსახლეობას შეხვდა.
მოქალაქეებისგან მოისმინა ინფორმაცია არსებული საჭიროებების შესახებ, ასევე ისაუბრა მიმდინარე პროექტების მნიშვნელობასა და მათი განხორციელების პროცესზე.
დღვანის ადმინისტრაციულ ერთეულში საგზაო ინფრასტრუქტურის მოწყობა ეტაპობრივად ყველა სოფელს მოიცავს, მათ შორის, გზის პრობლემურ მონაკვეთებზე ბეტონის საფარის დაგებას. დღვანში მოეწყო წყლის სათავეზე გამწმენდი ნაგებობა, მიმდინარეობს ფერდსამაგრი კედლების მშენებლობა, დაგეგმილია ქიძინიძეებისა და კვახიძეების სოფლის ცენტრების კეთილმოწყობა, მემორიალების რეაბილიტაცია, სანიაღვრე არხების მოწყობა და სოფელ გოგინაურში სასმელი წყლის მაგისტრალის რეაბილიტაცია.
ომარ ტაკიძის განცხადებით, მოსახლეობასთან შეხვედრები ხელს უწყობს არსებული საჭიროებების დროულ გამოვლენასა და მათზე რეაგირებას, ხოლო მუნიციპალიტეტში მიმდინარე სამუშაოები მოსახლეობის საჭიროებების გათვალისწინებით იგეგმება და ეტაპობრივად ხორციელდება.
დღვანის ადმინისტრაციულ ერთეულში ასევე იმყოფებოდნენ მერის მოადგილე გიორგი კეკელიძე, საკრებულოს თავმჯდომარის მოადგილეები ფრიდონ ფუტკარაძე, თენგიზ ივანაძე და მერიის შესაბამისი სამსახურების წარმომადგენლები.
