შუახევის მუნიციპალიტეტის მერმა ომარ ტაკიძემ, ადმინისტრაციულ ერთეულებში მერის წარმომადგენლებთან და სამსახურის უფროსებთან სამუშაო თათბირი გამართა.
შეხვედრაზე დღის წესრიგით გათვალისწინებული საკითხები განიხილეს, მათ შორის მოისმინეს ინფორმაცია სოფლებში არსებული ვითარების შესახებ.
მთავარი ყურადღება დაეთმო მიმდინარე ინფრასტრუქტურულ პროექტებს, ჯანდაცვისა და სოციალური პროგრამების განხორციელების პროცესს, ასევე კულტურის სფეროში დაგეგმილ ღონისძიებებს.
სამუშაო თათბირზე განიხილეს სახალხო დღესასწაულის „შუამთობის" საორგანიზაციო საკითხები და ღონისძიების მოსამზადებელი სამუშაოების მიმდინარეობა.
ომარ ტაკიძემ მუნიციპალიტეტის საქმიანობის პრიორიტეტულ მიმართულებებსა და მიმდინარე საკითხებზე გაამახვილა ყურადღება და თანამშრომლებს შესაბამისი დავალებები მისცა.
შეხვედრას მერის მოადგილეები მირიან აბაშიძე და გიორგი კეკელიძე ესწრებოდნენ.
