შუახევის მუნიციპალიტეტის მერი ომარ ტაკიძე, საკრებულოს თავმჯდომარე იაგო დავითაძესთან და ადგილობრივი თვითმმართველობის წარმომადგენლებთან ერთად, სოფელ ბარათაულში მიმდინარე ინფრასტრუქტურულ პროექტს ადგილზე გაეცნო.
აგვისტოს ომის გმირის, ამირან მამალაძის ხსოვნის უკვდავსაყოფად, სოფელ ბარათაულში, საფლავის მიმდებარე ტერიტორიაზე, კეთილმოწყობის სამუშაოები მიმდინარეობს.
პროექტის ფარგლებში მოეწყობა მისასვლელი გზა და საფეხმავლო ბილიკი, აშენდება ფანჩატური, დამონტაჟდება გარე განათების სისტემა, განთავსდება სახელობითი დეკორატიული აბრა, ასევე მოეწყობა ფერდსამაგრი კედელი და სველი წერტილი.
სამუშაოების დასრულების შემდეგ, მოეწყობა კეთილმოწყობილი სივრცე გმირის ხსოვნის უკვდავსაყოფად.
