შუახევის მუნიციპალიტეტის მერმა ომარ ტაკიძემ მერიის სამსახურის უფროსებთან და მერიას დაქვემდებარებული ორგანიზაციების ხელმძღვანელებთან სამუშაო თათბირი გამართა.
თათბირზე მუნიციპალიტეტის საქმიანობის პრიორიტეტულ მიმართულებებზე, დაგეგმილ კულტურულ ღონისძიებებზე, ინფრასტრუქტურულ პროექტებსა და სოციალური პროგრამების მიმდინარეობაზე იმსჯელეს. ასევე განიხილეს ორგანიზაციების მიმდინარე საქმიანობა, მიღწეული შედეგები და სამომავლო გეგმები.
მერმა ორგანიზაციების ხელმძღვანელებს შესაბამისი დავალებები მისცა და კოორდინირებული მუშაობის მნიშვნელობას გაუსვა ხაზი.
თათბირს მერის მოადგილეები მირიან აბაშიძე და გიორგი კეკელიძე ესწრებოდნენ.
