შუახევის მერმა ომარ ტაკიძემ, ბაგა-ბაღების გაერთიანების დირექტორთან ნათელა გოგიტიძესთან და მერიის, განათლების, კულტურისა და სპორტის განყოფილების უფროსთან მარინა შარაშიძესთან ერთად, ხიჭაურის ბაგა-ბაღის აღსაზრდელებსა და პედაგოგებს, ახალი სასწავლო-სააღმზრდელო წლის დაწყება მიულოცა და წარმატებები უსურვა.
სააღმზრდელო დაწესებულებაში ყველა პირობაა შექმნილი იმისათვის, რომ პატარებმა მიიღონ შესაბამისი სკოლამდელი განათლება. განახლდა ავეჯი, შეძენილი იქნა საბავშვო ლიტერატურა, სათამაშოები, ჰიგიენური საშუალებები და სხვა საჭირო ინვენტარი.
მუნიციპალიტეტის ყველა ბაღი, მათ შორის ხიჭაურის სააღმზრდელო დაწესებულება ავტორიზაციისთვის ემზადება. მასწავლებლებს გავლილი აქვთ აღმზრდელ-პედაგოგთა პროფესიული განვითარების ტრენინგ-მოდულები სხვადასხვა მიმართულებით.
დღესვე, ომარ ტაკიძე ჭვანის ბაგა-ბაღში მიმდინარე სასწავლო-სააღმზრდელო პროცესს გაეცნო და დასაქმებულებს გაესაუბრა.
მუნიციპალიტეტში სულ 14 ბაგა-ბაღი და 9 ალტერნატიული ბაღია, სადაც 450-მდე აღსაზრდელი ირიცხება.
