იდეების გადარჩევა
2022 წლის 23 ივნისს, მერის სათათბირო ორგანოს - მონაწილეობითი ბიუჯეტირების საბჭოს სხდომა გაიმართა. სხდომას, საბჭოს წევრები ესწრებოდნენ, რომელსაც შუახევის სამოქალაქო ბიუჯეტირების საბჭოს თავმჯდომარე და შუახევის მერის პირველი მოადგილე - მირიან აბაშიძე უძღვებოდა.
სხდომაზე, საბჭოს წევრებმა, დაბა შუახევის ,,მონაწილეობითი ბიუჯეტირების" პროგრამის ფარგლებში შემოსული იდეები განიხილეს.
საპილოტე პროგრამის ფარგლებში, შუახევის მუნიციპალიტეტის მოქალაქეებმა, ჯამში 10 იდეა დაარეგისტრირეს, მათგან 6 პროექტი კენჭისყრის ეტაპზე ვერ გადავიდა.წარმოდგენილი იდეები განეკუთვნებოდა თვითმმართველობის კომპეტენციას, თუმცა უარის თქმის საფუძვლებს წარმოადგენდა ის, რომ ზოგი პროექტის განხორციელების ადგილი არ მოიცავდა დაბის ტერიტორიას, ან მიწის ფართობი, სადაც უნდა განხორცილებულიყო პროექტი, კერძო საკუთრებას წარმოადგენდა და იდეის ავტორს, მესაკუთრის ნებართვა არ წარმოუდგენია, ზოგ შემთხვევაში კი წარმოდგენილი პროექტი უშუალოდ დაბა შუახევისთვის არ იყო განკუთვნილი.ხოლო, ორ იდენტურ პროექტზე რეკომენდაცია გაიცა, ავტორებთან შეთანხმებით, კენჭისყრაზე წარსადგენ ბიულეტენში იდეები გაერთიანდება.
კენჭისყრაზე გადასული იდეების შესახებ დეტალური ინფორმაცია, ჩვენს გვერდზე უახლოეს პერიოდში გამოქვეყნდება.
პროგრამა ხორციელდება გერმანიის საერთაშორისო თანამშრომლობის საზოგადოების (GIZ) მხარდაჭერით, პროგრამის - „კარგი მმართველობა ადგილობრივი განვითარებისთვის" ფარგლებში. პროგრამის საინფორმაციო მხარდამჭერია - „თავისუფალ ჟურნალისტთა სახლი!
#ჩაერთეპროცესში!
#GIZ#
შუახევისმუნიციპალიტეტისმერია
#თავისუფალჟურნალისტთასახლი
