შუახევში ,,ევროპის დღეების" ფარგლებში, დასკვნითი ღონისძიება -  ,,ჩემი თვალით დანახული ევროპა" გაიმართა.

   ღონისძიებას შუახევის მერის მოადგილეები რუსუდან შავაძე, გურამ ზოიძე, ნატოსა და ევროკავშირის საინფორმაციო ცენტრის წარმომადგენელი აჭარაში ირმა გაბინაშვილი და თვითმმართველობის წარმომადგენლები ესწრებოდნენ.

   შუახევის საჯარო სკოლის მოსწავლეებმა პრეზენტაციის სახით წარმოადგინეს ევროკავშირის წევრი ქვეყნების შესახებ პრეზენტაცია და თითოეული ქვეყნის კულტურა. მოეწყო თემატური გამოფენა.

    პროექტში მონაწილე სკოლებს შესაბამისი სერთიფიკატები, ხოლო გამორჩეული პრეზენტაციების ავტორებს წიგნის სასაჩუქრე ვაუჩერი გადაეცათ.

    ევროპის დღეების მიზანია ევროკავშირისა და საქართველოს ურთიერთობების, მიმდინარე ინტეგრაციის პროცესის შესახებ საქართველოს მოქალაქეების ინფორმირება და სხვადასხვა სამიზნე ჯგუფების ჩართულობის გაზრდა.