შუახევის მუნიციპალიტეტის მერია აცხადებს კონკურსს - ,,მუნიციპალიტეტის თანადაფინანსებით სოფლად მცხოვრები ქალების სოციალურ-ეკონომიკური გაძლიერებისთვის".
პროგრამის მიზანია ქალთა თანაბარი უფლებების უზრუნველყოფა და სოციალურ-ეკონომიკური გაძლიერების მხარდაჭერა.
პროგრამაში მონაწილეობის უფლებით სარგებლობს:
Ø შუახევის მუნიციპალიტეტის ტერიტორიაზე რეგისტრირებული, 18 წელს მიღწეული ფიზიკური პირი ქალი, ან ქალთა საინიციატივო ჯგუფი, რომელსაც პროექტის გამარჯვების შემთხვევაში წარმოეშობა ინდივიდუალურ მეწარმედ, ან იურდიულ პირად დარეგისტრირების ვალდებულება. ქალთა საინიციატივო ჯგუფის მონაწილეობის შემთხვევაში რეგისტრაციის ქონა აუცილებელია პასუხისმგებელი პირისთვის.
Ø ინდივიდუალური მეწარმე.
Ø მეწარმე იურიდიული პირი.
კონკურსში მონაწილეობა ეზღუდება:
Ø ბენეფიციარს, რომელიც არის აღნიშნული პროგრამის ფარგლებში დაფინანსებული გასულ წლებში;
Ø პირს, რომელსაც აქვს საბანკო დავალიანება, ყადაღა და რეგისტრირებულია მოვალეთა რეესტრში;
Ø საჯარო მოხელეს.
პროექტი გულისხმობს მცირე ბიზნესის განვითარების ხელშეწყობას, რომელიც მუნიციპალიტეტის მერიის მხრიდან ერთი პროექტი არა უმეტეს 10 000 ლარით იქნება დაფინანსებული.
Ø პროექტის მინიმალური ბიუჯეტი 1000 ლარი.
Ø პროექტის მაქსიმალური ბიუჯეტი 10 000 ლარი.
პროგრამა დაფინანსდება, გამარჯვებული პირის/ჯგუფის თანამონაწილეობით.
ფინანსური თანამონაწილეობამ უნდა შეადგენდეს განმცხადებლის მიერ მოთხოვნილი თანხის 20%-ს, აღნიშნული პროგრამის ფარგლებში პრიორიტეტული კონკურსანტისთვის კი 10%-ს.
თანამონაწილეობად ჩაითვლება მხოლოდ ფინანსური მონაწილეობა.
პრიორიტეტული მიმართულებებია:
Ø სოციალურ-საგანმანათლებლო;
Ø სოფლის მეურნეობის მეორადი პროდუქციის წარმოება;
Ø ტურიზმი.
დაინტერესებულ პირს მხოლოდ ერთი პროექტის შემოტანის უფლება აქვს კონკურსის ფარგლებში.
ბიზნეს გეგმის განაცხადის შევსების ფორმა იხილეთ ლინკზე:
-პროგრამის განხორციელების შესახებ დეტალური ინფორმაცია პრეზენტაციის სახით იხილეთ შემდეგ ლინკზე:
-განაცხადის ფორმის შევსებასა და პროგრამის დეტალებთან დაკვშირებით საინფორმაციო შეხვედრა გაიმართება 11 აპრილს, 12:00 საათზე.
მისამართი: შუახევის მუნიციპალიტეტის მერია, თამარ მეფის ქუჩა №22.
განაცხადების მიღება: 3 აპრილიდან 29 აპრილის 15:00 საათამდე.
განცხადების შემოტანის წესი:
განაცხადის წარდგენა შესაძლებელი იქნება მატერიალური ფორმით, შუახევის მუნიციპალიტეტის მერიის ადმინისტრაციული სამსახურის საქმისწარმოების განყოფილებაში, შემდეგ მისამართზე: შუახევის მუნიციპალიტეტი, თამარ მეფის ქუჩა №22, შუახევის მუნიციპალიტეტის ადმინისტრაციული შენობის პირველ სართული.
კონსულტაციის მიღება შესაძლებელია:
ტელეფონი: 591 98 20 19
